هاموت على اسم شهيد +++

هاموت على اسمة شهيد

ليلة العيد و انا فرحان
لبس جديد و عديه كمان
انا كنت بعشم نفسى مع الاصحاب
بكرة هانخرج هنا و هناك
و هاكل اكل فطارى و اعيد
وبميلاد الرب هاهنى صحابى
دا ابونا خلاص صرف الشعب
قلت اروح انا و صحابى
لكن فجأة !!!!!
سمعنا صراخ و عياط و نحيب
رحت جريت انا و الشلة
قلنا نشوف الصوت ده منين
فجأة لقيت الكل بيجرى
عم جرجس و كمان بطرس و الواد ممدوح
و لقيت الشارع غرقان دم
و جثث مرمية هنا وهناك
وبقيت مش عارف اعمل ايه؟؟؟
اجرى اساعد فى الاسعاف!!!!
ولا اعيط على الاحباب!!!!
رحت اضمد فى الجرحات
اصل انا بفهم فى الطب
و فجأة سمعت صوت انين
صوت انا عارفة و حافظة
صوت مش ممكن اغلط فيه
روحت بنظرى لغاية الصوت
لا مش ممكن انا لازم بحلم
لقيت الصوت صادر من صحبى
اخويا و جارى و عشرت عمرى
روحت لعنده و شوفت جروحة
و يارتنى ما كنت شوفت جراحة
جروحة كتيرة فى كل مكان
يعنى خلاص كلها ساعة او ساعتين
و مسكت ايديه باديا فى حنان
و عيونى كانت غرقانه فى بحر دموع
و لقيته بيمهس ليا بصوته الهادى
و يقولى انا فرحان مبسوط و سعيد
انا هاموت على اسمه شهيد
ربى خلاص هايضمنى ليه
و فى حضنة هاعيش علطول
خلص كل كلامه معايا
و فجأة!!!!!
لقيت ايده بتسيب ايدى بكل بهدوء
و عرفت ساعتها انه خلاص
راح
راح لربة راح لفديه و حبيبة
و صرخت بكل ما فيا
يا هناك يا صحبى و اخويا
هاتعيد فوق عند فادينا
انت خلاص رحت ارتحت هناك
و احنا هنا بنشتاق لرؤياك
سلام يا اخواتى و صحابى
سلام يا شهداء ربى الفادى
ذكراكم هاتفضل فى فؤادى
لحد ما نتقابل عند الفادى

اذكرونا امام عرش النعمه +++

ميرسى جدا يا نونه وربنا يباركك ويعوضك خير

ميرسى ليك شنوده وربنا يرحمنا برحمته ويحافظ على اولاده ويبارك حياتك نورت الموضوع ياجميل

ميرسى اختى على نشر قصديتى
و ربنا يعزى اهاليهم

بجد يا نونة القصيدة دى روعة و الكلام جميل اوى تسلم ايدك و ايد الى كتبها
و ربنا يساعدنا و يقوينا ببركة صلوات قديسية و يعوضك عن تعب محبتك