يجرا أيه لو مت شهيد ؟!

يجرا أيه لو مت شهيد ؟!


يجرا ايه لو مت شهيد ؟
ما انت عايش شهيد
عايش جوا الوطن
بس الوطن راح بعيد
ولما فكر يضحى بحد
كان ابنك يوم العيد
يجرا ايه لو مت شهيد ؟
ما انت عايش شايل الصليب
يجرا ايه لو الصليب شالك
ساكت وعايش فى حالك
ومتهدد فى بيتك
وعيالك
ومالك
وانت اهه عايش مطمن
ولا اشتكيت
ولا على بالك
يجرا ايه لو مت شهيد ؟
هما شوية دم
ياخدوهم
وترتاح من الهم
هتموت يعنى قبل الميعاد
يمكن بس يوحشوك الولاد
والست الوالدة
هتلبس السواد
لكن البلد لا هتتقلب
ولا تتعدل
واحد ومات من اهل الكتاب
ولا حد هيتحبس
ولا حد هياخد اعدام
مش كفاية فى الاخرة الحساب
بس اطمن
هيقولوا فى حقك كلمتين
ويرسموا الدمعتين
وياخدوا عليهم ثواب
يجرا ايه لو مت شهيد ؟
يجرا كتير
مسمار جديد فى ايد المسيح
هيدق
وايدين بالدم
على باب السما هتدق
ارفع راسك
لحد السما وشق
طريق النور والحق
لو مت شهيد
ما تنساش قبل ما تموت
تقول لا
للظلم لا
المسيح صحيح على الصليب مات
بس قام
وظلام الليل شق
لو مت شهيد
ما تقولش اى
الشهدا زى الضى
الضى ما يتكسرش
دا الهنا حى
ومها كانت الضلمة
الفجر اكيد جاى
يجرا ايه يعنى لو مت شهيد؟
يا راجل
هو فيه شهيد بيموت ؟
الشهيد زى النسيم
لما ع الوشوش بيفوت
يرسم ملامح حنين
ويعطر البيوت
ويقول بعلو الصوت
امين .. امين
ربنا موجود [ندعوك للتسجيل في المنتدى أو التعريف بنفسك لمعاينة هذا الرابط] منقولا

ميرسى مارى ربنا يبارك خدمتك بجد كلمات جميله جدا ربنا يباركك يارب

العفو يا جوووووووووووودي اقل حاجة الرب نورني خلاص ممها اخاف ميرسي عل لمرورك مرة تانية

ميرسي اووى ربنا يعوضك خير

العفو يا بنت الام سارة ع لمرورك ربنا معاكي