حوار مع السامرية

حوار مع السامرية
قوليلنا انت مين ؟
انا المراة السامرية , كنت عايشة في الخطية , بروح كل دهرية , املى الجرة
من البير ميا .
ايه كانت علاقتك زمان بالناس؟
الناس كرهوني, بسبب خطيتي سابوني , بعدوا عني و تركوني , نظرتهم كانت
جرحاني , الماني مع احساسي بعنادي و ابتعادي .
طب و الخطية اللي في حياتك؟
كنت كتير بحاول اسيبها,لكن الخطية ماكنتش سيباني,كتير كنت بحاول استغنى
عنها,لكن نفسي كانت بتخوني,كان شوقي ليها و حبي ليها كبير
و ربنا في حياتك؟
كنت بفكر فيه, لكن مش فاهماه,كنت حاسسة انه قريب,لكن انا اللي بعيدة,انه
لقلبي اعز حبيب,


لكن انا اللي
تايهة بعيد عنه,باحفر لنفسي الف بير ,وهوالوحيد اللي عندة المياة الحية
طب لما جالك المسيح ؟
المسيح جالي في عز حيرتي,بعد ما في البيت كنت قاعدة ببكي
بتبكي .. من ايه؟
من ناس ما حبونيش من ناس حقيقي ما عرفونيش
لكن هو؟
هو كان كانه شاف قلبي,و شاف اللي جواه,شاف خيري و نوري ,مش ضلمتي و خطيتي
و ايه اللي حصل؟
تركت الجرة,تركتها عند البير,تحت عند قدميه,و هناك سبت خطيتي,سبتها الي
الابد,وسبت اسباب حيرتي,وعرفت الحقيقة
اي حقيقة؟
هو الحقيقة,يسوع حبيبي هو الحقيقة,هو الحقيقة الوحيدة,هو اجمل حقيقة .
و بشرتي الناس؟
حبه في قلبي ماسعنيش حبيت اقول لكل الناس عنه علشان يعرفوه و يحسسوا بحبه
زيي
و الناس صدقتك؟
الناس صدقت لما سمعته بقلبها و شافته بعقلها
و انت دلوقتي عاملة ايه؟
انا مع حبيبي ,انا مع نصيبي الغالي,انا مع سبب سعدي و هنايا,انا في ابدية
مع يسوع
طب كلمة اخيرة لشباب الاجتماع,تقوللنا ايه؟
اقولكوا سلموا قلبكوا ليسوع,خدوه صديق,و سلموله كل امور حياتكوا ,عيشوا في
الكنيسة,و ما تسيبوهاش,اترك جرتك عند البير عند اقدام يسوع




[ندعوك للتسجيل في المنتدى أو التعريف بنفسك لمعاينة هذا الرابط]

ميرسى يا قمر على الحوار الجميل


ربنا يعوضك خير و يبارك خدمتك

العفو يا ماريا نورتي الموضوع لمرورك
ربنا معاكي