تهانى ولا عزاء

مش عارفه بجد يا جماعه اهنيكم بعيد الميلاد المجيد ولا اعزيكم على شهداء نجع حمادى اقولكم اسفه بجد كل اللى اقدر اقوله. (انا مش شاعره بس انا مسيحيه مصريه). رصاص وبكاء ودم وقلوب شالت هم
وادى يوم العيد اتحول من ميلاد مجيد ولبس عيد ويوم جديد لتذكار شهيد
تذكار ورده وسط القلوب على الارض دبلت
تذكار من مجوس ورعاه لرصاص وضربه من الطغاه
قدمنا لبان ودهب وفى الاخر المر شربناه
زنبوا ايه شباب ماتعلموش ضرب الزينات
يسمعوا صوت رصاص فى الاعياد
كنتوا مجهزين ايه فى العيد الصبح يا شباب المسيح
ترنيمه ولا اسكتش ولا ضحك وتفاريح
بس يا امى ماتزعليش افرحى وماتبكيش
الترنيمه هايقولوها فوق
والضحكه هايضحكوها فوق
والفرحه فى وش المسيح
اما انتوا يا بتوع الرصاص والزينات
لو شفتوا دم على الارض ماتفرحوش وتقولوا ده الشاب مات
لا والف لا
انا مسيحى زى الشجره
جزعى بيقوى من دم الشهدا
اقتل كمان اقتل كمان
اصل انا شجره ولسه عاوزه ايمان
وايمانى بدم الشهدا
اللى بيروينى اصلى شجره
اقتل كمان اضرب كمان
لسه عاوز اتملى بالايمان
ولو يوم ملقتش حد تقتله
تعالى بسيفك واقسمنى نصين
بس حاسب جزورى هاتطلع منها بدل الواحد اتنين
وهايجى يوم رصاصك فيه هايخلص
وهايجى يوم سيفك هايتلم
وانا واللى ذيى عايشين حتى لو متنا بس فى مسحينا حايين
اما انت واللى اذيك فى جهنم رايحين وعلى الارض مانسيين
وبسيوفكم ورصاصكم هاتفضلوا واطيين
واحنا بمسيحنا هانفضل عاليين
قولوا امين امين امين

صلوا من اجل ضعفى +++ سورى نسيت اقولكم كل سنه وانتم طيبين

ميرسى جدا وربنا يبارك حياتك ويعوضك خير

ميرسى شنوده لمرورك ربنا يعزينا كلنا ويعطينا الصبر (الرب معنا فمن علينا. وكل سنه وانت طيب ياجميل

بجد يا نونة جميل اوى اوى اوى ميرسى بجد ليكى

صلوا من اجل ضعفى

ميرسى لمرورك ياقمر ربنا يحافظ عليكى

ميرسي يانوونه بجد حلوه اووووووووووى ربنا يباركك وفعلا ان كان الرب معنا فمن علينا