يسوع شايف اللى احنا مش شيفينه

من طرف بنت الام ساره السبت يوليو 25, 2009 9:41 am

بتتزمر على الرب

بتقوله انت مش شايف اللى انا فيه

انت مش سامع لصلاتى

كفايه كده

ادينى يارب نظره

قرب منى

طبعا ده لغه ناس كتيره منا

لغه مستمره

معظم الوقت

بنهاجم بيها الرب

بنقدم للرب اتهامات

بدل ما نقدم ليه الشكر

ايه ؟؟؟؟

الشكر

على ايه؟؟

على كل اللى بمر بيه

ايوه طبعا

لانه شايف اللى احنا مش شايفينه

وعارف اللى احنا مش عارفينه

هو سامعنا وشايفنا بس مستنى الوقت المناسب للتحرك

علشان ايده تشتغل معانا

وتتمجد فى حياتنا

تعالوا نشوف حياة يوسف

يا ترى لما اخواته رموه وباعوه كان شايف ايه

كان شايف الدنيا سوداء

مفهاش اى امل او بوادر للبركه والاكرام

لكن الرب شايف الخير

حد كان يصدق ان بعد كل اللى حصل له ممكن يكون فى لمسه تعويض واكرام

ومجد من رب المجد يسوع

كلنا طبعا عارفين القصه

ايد الرب اتمدت بالاكرام

الغير متوقع نهائيا

اصبح الرجل التانى فى مصر

واتم الرب بيه خطه انقاذ عظيمه جدااا

تعالوا انهارده نقول للرب سامحنا

ظلمناك كتير

اتهمناك كتير

لكن فى النهايه انت شايف اللى احنا مش شايفينه

امين