تذكار نياحه الام ساره شفيعه المنتدى

من طرف **Admin** الأحد مايو 22, 2011 10:43 pm

وحشتينا... يا امنا الغالية ....سارة
كنتى على الارض قديسة بارة
عشتى كل حياتك راهبة نقية.. وطاهرة

عشتى اغلب حياتك من غير ما تشوفى النور
...واستحملتى وشيلتى صليبك بكل سرور
جسدك الطاهر عانى من امراض كتير..سنين وشهور

وقولتى عشان المسيح كله يهون
ماهو حب الفادى نور للعيون
وعشرة المسيح هى اجمل ما فالكون

كانت كل حياتك عبادة وصلاه
علشان نذرتى قلبك لحب الاله
وقولتى يا محلا العشرة وياه
دى هى اجمل وأغلا من كل كنوز الحياه

كنتى يا امى طيبة وحنونة
بتصلى لكل اللى بيطلب معونة
وبفضل جهادك الدير اصبح منارة لكل المسكونة

يا منارة دير الانبا بضابا
صلى عشانا احنا الغلابة
ياللى السما بفضل صلاتك بتبعت لينا اسرع استجابة

واذكرينا دايما يا قديسة
يا عمود نور منور فالكنيسة

صلى من اجلى ابنتك :ناهد فاروق شاروبيم
تذكار نياحة الام سارة بدير الانبا بضابا بنجع حمادى