يلا بيناااااااااااااااااااااااااااااااااااااااا

من طرف **Admin** السبت يناير 01, 2011 12:51 pm

يللا بينا ..ايدك فى ايدى وبلاش سلبية
انا بوجه ندائى لكل الشعوب والكنايس المسيحية
ولكل ناس عندها فعلا.... مشاعر انسانية
بينا نرفع صلاتنا للسما بقلوب مؤمنة وبصرخة قوية
هنقول يارب اتدخل بسرعة وارحم الشعوب البشرية
...
يارب.. ان كان ده صليبك ؟؟
قوينى ارجوك ..الحمل تقيل على ابنك حبيبك
انت وعدتنى وقلت مستحيل هسيبك
طيب قولى ياربى ..هى فين ايدك؟؟؟
شعبك بيصرخ ..اظهر مجدك وانصر عبيدك

لو دى نهاية العالم صبرنا وقوينا؟؟
التجارب تقيلة اوى.. يارب علينا
ازاى بس نستحمل نشوف بعنينا
اولادنا.. واخواتنا..... واعز مالينا
فى لحظة يبقو جثث... واشلاء حوالينا ؟

دم اولادك ياربى غالى وثمين
ولو طلبته مننا هنقولك آمين
واثقين ان حضنك حنين ويساع كل المسيحيين
وعلشان ارواحنا غالية ..انتقم لينا من المجرمين
انت قولت من يمسكم يمس حدقة العين

تعالو معايا.. كل واحد فينا يصلى علشان كنيسته
مش لوحده..لأ.. يصلى هو... وكل عيلته
هقول:يارب سامحنى على اى كلام وحش انا قلته
وعلى اى شر.. اواى فعل خاطى انا عملته
واحمينى... ونجى العالم.... اللى بأيدك انت صنعته

يارب كترت علينا الضيقات
وكل يوم بتزيد من حوالينا الاضطهادات
واليوم اللى بيجى علينا بيكون اصعب من اللى فات
اسمعنا وارحمنا ارجوك تعبنا خلاص من كتر الآهات
انت الهنا وانت رب الجنود ورب القوات
يا ابانا الذى فى السموات

صلو من اجل السلام
والقدرة على احتمال الشدة والآلآم