كلمات قوية‏

اصرخ يا قلم...بأعلا صوت
اوصف الالم ...احنا تعبنا من السكوت
ايه فايدة الندم ..لما الضمير يموت؟
بيوت تتحرق وتتهدم..ويقولو دة خلاف وهيفوت

لأمتا هنفضل عايشين تحت التهديد؟؟
والاعتدائات والجرايم..كل يوم بتزيد ؟؟؟؟
ياناس لازم نعقل ونرجع من السكة دى اكيد
ليه يبقا مصيرنا الاحزان فى كل ليلة عيد؟؟

ليه احنا دايما حاسين بالمرار؟؟
ولحد امتى هتفضل تعلا اصوات ضرب النار
نفسنا نحس اننا عايشين فى بلدنا احرار
مش خايفين ومرعوبين زى مانكون فى حصار

ليه علشان اى مشكلة لازم المحلات تتسرق؟؟
والبيوت..تتنهب والحيوانات تتحرق؟؟؟؟
بجد الناس دى المفروض تتشنق
علشان جواهم نار وكراهية علينا بتنطلق

ارجوكم اهدو شوية وفكرو
ودورو على الحقيقة قبل ما تتهورو
انتو كدة مش بتتقدمو..انتو بتتأخرو
و فى النهاية مش احنا لوحدنا اللى هنخسر..انتو كمان هتخسرو

ميرسى مارى ربنا يعوض تعب محبتك بجد كلمات جميله اوى

ميرسي ربنا يباركك

ميرسي علي لمروركم ربنا يباركم في حياتكم

ربنا يباركك يا قمر

ميرسي علي لمرورك يا ماريا ربنا معاكي