ترنيمة مالك يا ست الكل

من طرف مارى الإثنين يونيو 14, 2010 2:12 pm

مالِك يا سِت الكل دمعك عالخدود
ماتقوى قلبك ده انتى ادها وادود

عايزك تحسي بتعزيه وانسي الحاجات المؤذيه

وافتكرى دايما يا غاليه ربنا موجود

ماتدمعيش وبلاش يا امى تعيطى
يوم الاربعين روحى الكنيسه وزغرطى

وخيطى امى القميص اللي اتقطع
لما دخل فيه الرصاص
وان كان ده دمى عامل بقع
ابقي اغسليه بحبه بطاس

ونضفيه يا آمه خلاص من كل بقع الدم
عايز اشوف ضحكتك بلاش تشيلي الهم

ازاى يا امى تحزنى وانا فـ هنا وسعيد
طب تعرفي عند المسيح انا اتحسبت شهيد

مالك كده بتتنهدى ؟

ماكانشي نفسك تعيدى
لاعيدى
يا امى ابنك شهيد
يا امى ابنك شهيد