شـــــباب اليومــــــين دول

--------------------------------------------------------------------------------

شـــــباب اليومــــــين دول


شوفوا بيقولو اية واية المبداء الجديد بتاعهم


أحسن حاجه تعملها في حياتك انك تعيشها وانت مطنش كل حاجه بتحصلك وتضايقك.
وعلى راي الفيلسوف الشهير اللى مش فاكر اسمه ( طنش تعيش تاكل قراقيش ) حاول تطنش هيفيدك ويريح اعصابك.

ولكي تستطيع ان تكون مطنش يجب ان تتبع هذه الخطوات..



1. تسبيل العينين مصحوبه بنظره بلهاء
2. فتح الفم 15 سم على الاقل
3. ابتسامه بلهاء
4. دلدله الكتفين مع بهدله في المظهر
5. علامات التخلف العقلي


وبذلك ستنضم لمنظمة ( طناشكو العالمية ) كما انك ستكون من مؤسسي اكبر مؤسسة (المُطنّشين العرب - طناش أحمد طناش وشركاه ) وسيقام مهرجان (الطناش للجميع ) والذي سيضم نخبه من كبار المطنشين....

وكلما أصبحت مطنش أكتر كلما شعرت براحة من الاستفزازات التي تنزل عليك مصحوبة بحرق الأعصاب..
ومن امثله ذلك.. لما تصحى من نومك ممكن تكون اختك او اخوك او والدتك متعصبين من حاجة فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلاً.....كل اللي عليك انك تطنش.

مثال تاني... تسمع في نشرة الأخبار عن مقتل 60 مواطن في تصادم قطر أو مقتل 100 واصابة 50 في صراع بين دولتين فتشعر بحزن شديد كل برده اللي عليك انك تطنش

أما الطريف في الموضوع لما تروح تعرف نتيجة الإمتحان فتلاقيك شايل مواد كتير ظلم رغم انك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسهفيقول ان الورقه دي وشها وحش عليه ويسقطك كل برده اللي عليك انك
تطنش
وفي النهايه هتلاقي راسك بقت في حجم قرع العسل مع زيادة مستمرة في الحجم وذلك لأن ..

( العقل السليم فى حجم الراس الكبير )


هل الحال وصل بينا الى هذة الدرجة من السلبية واللامبالاة لغاية امتة هانفضل كدة والحالة من الامبالاة دى هل على كل الشباب ولا فئة وعينة بس ارجو من الكل المشاركة وابداء رأية فى الموضوع


منقول

هوا المفروض نطنش بس مش كل حاجه و سيد الحبايب يا ضنايا انت



ميرسى يا شنوده على الموضوع الرب يباركك

و على فكرة الطناش بيتخن الواحد هههههههههههههه

مشكوووووووووور يا شنودة

هههههههههههههههههههههه مش من المفروض طبعا ان الواحد يطنش لكل حاجة

لان فى حاجات مينفعش فيها الطناش ده و ميرسى بجد على الموضوع يا شنودة

ربنا يعوض تعب محبتك

الموضوع جميل جدا وكوميدى بس على راى مارو مش كل حاجة تطنش فيها.
ربنا يعوضك خير يا شنودة

ههههههههههههه ال سيد الحبايب ال ههههههههههه ميرسي ربنا يباركك

ميرسى بجد على الموضوع يا شنودة

ربنا يعوض تعب محبتك