كــلمة بنهرب منها كـل يومـ

كلمة بنهرب منها

عارفنها وحفظنها

زهقنا من كتر مبنسمعها

ممكن نكون بنعملها

وممكن نكون زهقنا من كتر مابنعملها


الصلاة

كلمة اول مبنشوفها فى رساله او بنسمعها كتير اوى بنهرب منها

هو كان عارف اللى هيحصل علشان كده قالنا

صلوا كل حين ولا تملوا

كان عارف اننا هنزهق من الصلاة

او نقرا كلمتين من الاجبية ونجرى ونقول صلينا

احنا فى عالم السرعة كل امورنا عاوزنها بسرعه

وجايز نكون مش قادرين نقعد قدام ربنا لاننا اصلا هاربنين من نفسنا

وجايز نكون مكسوفين منه لاننا مبنفتكرهوش غير وقت الزنقة

وجايز نكون زعلانين منه لاننا طلبنا حجات ومخدنهاش

وجايز نكون اخدنا وعود من زمان ومحصلش بيها اى تغير لكن بتسوء الامور


خدعه كبيرة انك تزهق تمل وتهرب من الصلاة او تخدع نفسك بوهم الصلاة بقرا كل صلوات الاجبية

وانت اساسا مبتتكلمش معاه

مفيش احسن منه صدقنى تتكلم معاه

تتفتح عليه

تترمى بين ايديه

زى مانت متحسبهاش

متملهاش

هتقول معنديش خلاص بقى كلام

قولوه خلاص سكت الكلام عجز اللسان ومبقيش عند اى كلام

عاوز اعرفك عاوز اصليلك بس انا مجروح مكسور خاطى هربان

فاقد القدرة على الكلام ومش شايف غير الظلام يعنى تقدر تحسبنى من العميان

ميت ولكن ماشى وسط الاحياء

اقعد بس قدامه اتخانق فيه عاتبه

اسكت وقوله مش عارف تتكلم

قوله انا زهقان من قبل متكلم

ادخل حتى وافتكرلوه حاجه واحده اشكروه عليها وامشى

حاجه واحده تكون بتحبها ويكون مدهالك

بَارِكِي يَا نَفْسِي الرَّبَّ، وَلاَ تَنْسَيْ كُلَّ حَسَنَاتِهِ" (سفر المزامير 103: 2)


قوله يارب اسمعنى قولهاله دلوقتى بكلمات فى سرك

عِنْدَ دُعَائِيَ اسْتَجِبْ لِي يَا إِلهَ بِرِّي. فِي الضِّيقِ رَحَّبْتَ لِي. تَرَاءَفْ عَلَيَّ وَاسْمَعْ صَلاَتِي" (سفر المزامير 4: 2

عاتبه قوله زعلان منك لانك ناسينى
الى
مَتَى يَا رَبُّ تَنْسَانِي كُلَّ النِّسْيَانِ؟ إِلَى مَتَى تَحْجُبُ وَجْهَكَ عَنِّي؟" (سفر المزامير 13: 1)

يارب يسوع بشكرك لانك قابلنى وبتسمعنى زى ماانا

اقبلنى رغم نجاستى

بص انا معنديش كلام يارب اقولهولك

لكن هقولك انا جى بصليلك ليه مش عارف

جايز محتاج حاجه منك

وجايز لانى معرفش غيرك

وجايز لانك اكتر من نفسى عارفنى

بص يارب

علمنى

ارشدنى

اشفينى

طهرنى

خد قلبى وادينى واحد غيره من عندك