رسالة من العدرا ليك ياريت تقراها

رساله من العذراء+
انا مريم و دا ابنى يسوع...
كنت عايزة اقولك حاجة واحدة بس
(ابنى مات)
قدام عنيا
مــــــــــات ...
نزل الارض مخصوص عشان يتعذب ويتشتم ويتفل عليه و يجلد وينصلب زى المجرمين
كل دا عشان مين

عشانك انت

مش سهل عليا انا الأم انى اشوف ابنى وحيدى يموت قدام عنيا... لكن اقول ايه
مش بأيدى انى امنعه هو جاى الارض عشان كدة مخصوص
عشان يموت
يسوع ابنى حبك اوى اكتر مما تتخيل
ابنى مات
مااااااااااات عشان انت تعيش
مفيش حب اكتر من كدة
ياريت تقدر شعور الام و ابنها بيموت قدامها عشان
ناس كتير ..
عشان كل البشرية ياريت تبادله حبه ليك بحب ولو بحجم قلبك كفاية قلبك
صدقنى دا مايجيش واحد من ملايين مما
تخيل حتى لو مليت قلبك بحبه برده
هو بيحبك اكتر بكتير اوى يا ابنى
يسوع ابنى طيب وحنين اسألونى انا
انا اللى عرفاه ومربياه يسوع كان بس مستنى حد يقوله الحقنى يا بويا محتاجك
عشان يجرى عليه ويمسك اديه ويقوله انا هنا يا ابنى جانبك
ياريت تبص على كل الدم اللى على جسمه اللى اتهرى من سوط الجنود
واكليل الشوك والاهانات والتفل والضرب والكراهية اللى بادلها بالحب
استحمل كل دا عشانك....
وانت تقدر تستحمل ايه عشان يسوع؟
جا الوقت اللى تسأل فيه نفسك سؤال واحد .... سؤال واحد بس


قدمت ايه ليسوع لانه فداك ؟؟؟؟؟؟؟

مريم .. ام يسوع


منقوووووووووول

صلو من اجل ضعفي


و ياريت النهاردة بما اننا صايمين صيامها مش نكسفها و نحاول على قد ما نقدر نقدم ليسوع المسيح حاجة

حتى لو كنا مش هنقدر نوفى جمايلة بس نحاول احسن من اننا ما نحاولش


اذكروا كل اللى تعب فى الموضوع

ميرسي علي الموضوع الجميل ربنا يساعدك في كل حظوة

ميرسى يا قمر لمرورك الجميل

نورتى الموضوع و ربنا يبارك حياتك

ميرسى ياماريا بجد حاجه تشد وتقطع القلب فعلا ياريت نحس بده بس بتقولى لمين الكلام ده الشيطان سيطر على عقولنا بقينا بنفكر فى كل شئ شرير


مافيش محبه

ياريت يا اخواتنا اتعلمو المحبه من يسوع المسيح بجد انا بكيت من الموضوع ده ميرسى ياماريا ربنا يعوض تعب محبتك ياقمر

الشيطان فعلا سيطر على عقولنا بس ربنا ادالنا ارادة ولازم نحاول نستخدمها و إلا ايه لازمه عطيته

المهم ميرسى لمرورك و نورت الموضوع

ربنا يعوضك خير