إسمعوني أنا الشهيد

. بس و انا بتكلم موش عايز دموع و تنهيد
أنا في السما فرحان و سعيد . و صدقوني عن الحزن و الهم بعيد
إنتو زعلانين و انا للسما عريس . قاعد دلوقتي مع يسوع و بقيت قديس
ده انتوا تزعلو علي عالمكم الرهيب . و إفرحولي ده أنا هنا ليسوع قريب
سامع كلام غريب عن مسيحيتنا . و موش موجود فعلاً في عقيديتنا
إنتم بتقولو إنكم لحقي عايزين . و أنا بقولكم قولو للقاتل متشكرين
ده إداني بجهله للسما تذكرة مجانية . و ربحت السما و بقيت شهيد في ثانية
و بالنسبة لحقي متقلقوش ربنا موجود . ولا انتم لما حزنتم عليا نسيتو الوعود
أنا كلمت ربي و قلتله لإمتي تنساني . صوت دم الشهيد بيصرخلك من تاني
قالي يابني إطمن حقك في إيدي . أنا ليا حكمة مع عبيدي
و كلام يسوع ليا طمني عزاني . و حبه و سلامه ملا قلبي و كياني منقولا

ميرسى مارى ربنا يعوض تعب محبتك يارب

الله حلوة اووى ميرسي ربنا يباركك ويابختهم

اشكركم علي لمرورك جو وتينا ربنا يبارك في حياتكم يا بختهم اللي راحوا عن المسيح

ميرسى كتير وبجد طوبهم مين يطول

اللى يطولو اولاد الملك بس احنا يعنى

ميرسي علي لمروركم الرب يبارك في حياتكم