قصيده للعدرا مريم .....

قصيده للعدرا مريم ..... امه كانت ولابنته كان بيطيعها وهى امته كان بيامر
ولا يطلب... ولا بنظرة بتفهم طبيعته ياامه وامنا حيرتى عقلنا كان ربك
والضنا طب كنتى تصلى لمين كنتى بتصليله ولا بتصليله وعنه تحكيله كان حمل
ولامعين كنتى عارفه اللى فى ضميره يوم ماهمسك طيف عبيره ماصرختيش خوف من
مصيره كان فرحان ولاحزين كان بيقولك ماتخافيش ولا كان بيقول هاعيش واما كان
يغيب مايجيش كنتى تخافى من الفريسيين كنتى خايفه من الحراس ولا عارفه انه
الخلاص واما قالو اليوم خلاص قولتى لا ولا امين واما ان بيكى الاوان واللى
خفتى منه كان وظنو فى موته الامان ماصرختيش هو ابن مين كنتى عارفه ايه
هايصيبه ولا سبتيه يقابل نصيبه واما عدى شايل صليبه كلمك ولا خاف من
الجلادين واما نصبوله الصليب والمسمار كان نار لهيب والحربه والجلد الرهيب
والشوك المغروس على الجبين كان فين كان فى راسه ولا قلبك وقد دمه سال دمع
حبك ده ابنك الميت وربك يعنى له ومنه الحنين ده حتى اللى اداهم الامان
العرج.. الخرس ..العميان الكل كان خواف جبان الكل مسكوله سكاكين ده نكره
صخرة الجبال والتانى راح باعه بالمال مابقاش غير يوحنا على الشمال وانتى
واقفة على اليمين
امه كانت ولا بنته كان بيطيعها وهى امته طب كان بيامر
ولا يطلب ولا بنظرة بتفهم طبيعته ياامه وامنا حيرتى عقلنا كان ابنك والضنا
طب كنتى تصلى لمين كنتى بتصليله ولا بتصليله وعنه تحكيله كان حمل ولا معين
كان بيبكى من الخيانه ولا من شدة قسانا ولا من فرحة فدانا ولا بيبكى من
الالامات ولا عشان الكل قسيو بعد ماتابو رجعو نسيو وبعد ماعلى الشط رسيو
غرقو تانى فى اللى فات واما فات من اليوم نهاره وخلص اللص اللى جاره وداق
من الخل ومراره كان خلاص بطل اهات كان صموده للنهايه احلى من اعجاز وايه
وكان كفايه ان الحكايه انه ضحى خلاص ومات مات فوقيكى وانتى واقفه مات
حاميكى وفضلتى خايفه طب كنتى مغمضه ولا شايفة موت حبيب الذكريات بس جنب
دموع الموده شوفت فى عيونك ياعدرا شوكة طالعه من قلب ورده يعنى الامل جنب
الضيقات شوكة الاه والانين شوكة خوف غدر السنين وورده يعنى حب وحنين انه
قايم من الاموات كنتى عارفه انه قايم كنتى حسباه بس نايم وان بعد قيامته
دايم بس راح فى القبر بات دى حكايه الام الحنونه اللى ليها فى قلوبنا قونه
خلفت رب المعونه بس فضلت ست البنات

ميرسى ليكى يامارى ربنا يعوض تعب محبتك ياقمر

ميرسي يامارى ربنا يباركك

ميرسي علي لمروركم ربنا معاكم