تمجيد القديس أبونا عبد المسيح المناهري

انا افتح فمى بالتسبيح ارنم بلحن المديح
احكيلكم عن حبيب المسيح ابونا عبد المسيح
للرهبنة الرب دعاه قال امين وده كان مناه
بقى دىر ابو مقار دنياه مع رهبانه عاش السماء
للاسقفية البابا دعاه ناداه وقال له يا قديس الله
عمل اهبل وهرب برضاه راح المناهرة طوباه طوباه
وهناك كانت بنت كسيحة قال لها فى الحال قومى صحيحه
نادت باسمه فى تسبيحه غضب وقال عودى كسيحه
حن عليها ابونا القديس وقال قومى ما تزعليش
بس تمجدى اسم المسيح ده انا الضعيف عبد المسيح
ومعدى لقى بنت فقيرة قال لها ليه يا بنتى حزينة
قالت له البطة يابونا ماتت ورمتها على الكومة
حن عليها ابونا القديس وقال لها هاتيها وما تبكيش
وغطسيها فى المية تلاقيها قامت مرة تانية
وبركاته كانت كثيرة للى يزوره بنفس ذليلة
فى المناهره فى كنيسة صغيرة صلواته تكون لينا معينة
تفسير اسمك فى افواه كل المؤمنين
الكل يقول يا اله ابونا عبد المسيح اعنا اجمعين

ميــرســى اووى ياميزو على التمجــيد الرائع ده وربنا يباركك

ربنا يعوض تعب محبتك ياميزو
ربنا معاك

ميرسى يا ميزو على التمجيد الجميل دة

و ربنا يباركك و يعوض تعب محبتك .

ميرسى على االتمجيد دة ربنا يبارك حياتك

ميرسى ميزو على التمجيد الجميل ده وربنا يبارك حياتك ويدوم خدمتك

ميرسى خالص ربنا يعوض تعب محبتك